TASWIRA BLOG

Viongozi wa Afrika Mashariki, wamesema uchaguzi wa Burundi, unapaswa kuahirishwa kwa angalau wiki sita. Taarifa iliyotolewa kufuatia mkutano wa dharura wa kikanda jana Jumapili, imezitaka pande zote kusitisha ghasia, ikiwa ni kuondoa silaha kutoka kwa vikundi vya vijana na kuwekwa kwa mazingira ya kuwarudisha wakimbizi ambao wamekimbia ghasia za kisiasa. Waziri wa mambo ya nje wa Burundi alimuwakilisha rais Pierre Nkurunziza ambaye hakuhudhuria mkutano huo. Mawaziri kutoka Tanzania, Kenya, Rwanda, Uganda na rais wa Afrika Kusini, Jacob Zuma walihudhuria pia mkutano uliofanyika Dar es salaam, nchini Tanzania. Source(VOA)

Nigel Pearson meneja wa timu ya Leicester City Wachezaji watatu wa timu ya Leicester City ya Ligi Kuu ya England ambao wanadaiwa kuonekana katika mkada wa video wakionyesha vitendo vya ubaguzi wa kimapenzi wameomba radhi kutokana na tabia yao hiyo. Picha ambazo zimekuwa zikiwaonyesha wachezaji Tom Hopper, Adam Smith na James Pearson - mtoto wa kocha Nigel Pearson - walionekana katika gazeti la Sunday Mirror. Mmoja wa wanaume hao katika video hiyo, ambayo ilipigwa nchini Thailand, anasikika kutoa lugha ya matusi ya kibaguzi dhidi ya mwanamke mmoja. Klabu ya Leicester imesema itaendessha mchakato wa kawaida wa uchunguzi wa kitendo hicho. Taarifa ya klabu hiyo imenukuliwa ikisema bodi ya Leicester imesikitishwa sana na tukio hilo ambalo limewahusisha vijana wao watatu weledi wa soka wakati wa safari yao ya hivi karibuni nchini Thailand. Tom Hopper, James Pearson na Adam Smith wangependa kuomba radhi kutokana na tabia yao kwa wanawake waliohusika katika tukio hilo, kwa klabu yao...

Watakaokiuka sheria ya uvutaji sigara mjini Beijing kupigwa faini Serikali ya China,imepiga marufuku kuvuta sigara katika maeneo yote ya wazi katika mji wa Beijing. Maelfu ya maafisa wameanza kufanya ukaguzi katika maeneo yote ya wazi na watakaokiuka kufuata sheria hiyo watapigwa faini. Hata hivyo China ina wavuta sigara milioni mia tatu wakati sheria ya kusitisha wavutaji sigara katika maeneo ya wazi ya mji wa Beijing ilipopitishwa kwa mara ya kwanza na kushindwa kutekelezeka.Ripoti inasema kuwa watu wengi wanadhani sheria hiyo ya kukataza kabisa uvutaji sigara haitafanya kazi. Source(Bbc Swahili)

Aina ya dawa mbili za kutibu saratani zinaweza kuzuia uvimbe wa saratani kwa watu karibu asilimia 60% wenye saratani iliyofikia kiwango cha juu kijulikanacho kama melanoma, ni kwa mujibu wa majaribio mapya kwa wagonjwa. Majaribio ya kimataifa yaliyofanyika kwa wagonjwa 945 yalipata tiba kwa kutumia dawa aina ya ipilimumab na nivolumab zikizuia saratani kukua kwa karibu mwaka mmoja kwa wagonjwa asilimia 58%. Madaktari wa Uingereza waliwasilisha data hizo kwa chama cha madaktari wa Marekani. Taasisi ya Utafiti wa Saratani nchini Uingereza kiesema dawa hizo zinatoa tiba kali dhidi ya aina moja ya saratani hatari. Melanoma, hatua ya hatari ya saratani ya ngozi, ni aina ya sita ya saratani ya kawaida nchini Uingereza. Inaua zaidi ya watu 2,000 kila mwaka nchini humo. Source(Bbc swahili)

Mchezaji namba moja wa tenisi nchini Uingereza, Andy Murray amejipa changamoto ya kuongeza kiwango chake cha uchezaji wakati atakapopambana na Mfaransa Jeremy Chardy kuwania kufuzu hatua ya robo fainali ya mashindano ya French Open Jumatatu. Mwingereza huyo nambari tatu kwa ubora duniani anapambana na mchezaji namba 45 kwa ubora. Wachezaji hao wamekutana mara saba, kwa Murray kushinda mara sita ukiwemo mchezo wa uwanja wa udongo mjini Roma, Italia Mei 13. Murray anaingia katika mchezo huo akiwa na rekodi ya kutofungwa michezo 13 mwaka huu. Source(BBC)

Wanajeshi wa Iraq Wanaharakati wa haki za binadamu wanalishutumu Jeshi la Iraq kwa kushindwa kuokoa maelfu ya watu kufikia sehemu salama ya nchi hiyo mara baada ya wao kukimbia mapigano katika jimbo la Anbar . Wanaharakati hao wanasema serikali - ambayo inawaongoza ina waslamu wengi wa madhehebu ya Shia inawabagua Waisalamu wa madhehebu ya Suni waliokimbia makazi yao kutokana na mashambulizi ya Islamic State aambao nao pia ni Waislamu wa Suni. Kwa wale wanaojaribu kuingia Baghdad wanakutana na vikazo vya barabarani katika mitaa ya mji ambapo hatua za kiusalama kwa ajili ya ulinzi zinachukuliwa. Mwandishi wa BBC amewakuta familia ya Sunni zikiwa zimekwama eneo hilo zikiwa na hali mbaya ambapo wanafikiria kurejea kwenye maeneo yaliyoshikiliwa na IS. Source(Bbc Swahili)

Source(Mjengwa blog)

Mwanasiasa mkongwe na mjumbe wa kamati kuu ya chama cha mapinduzi– CCM, Mh.Stephen Masato Wasira ametangaza rasmi nia ya kugombea nafasi ya rais wa jamhuri ya muungano wa Tanzania, huku akisema kwamba ikulu haipaswi kuongozwa na rais mwenye harufu ya rushwa na ufisadi kwa madai kuwa kiongozi wa aina hiyo anaweza kuiuza nchi. Mh.Stephen Wasira ambaye ni mbunge wa jimbo la Bunda na waziri wa kilimo, chakula na ushirika akiwahutubia wananchi katika ukumbi wa chuo cha benki kuu jijini Mwanza, amesema iwapo chama chake kitamteua kupeperusha bendera katika kinyang’anyiro cha urais na wananchi wakampa ridhaa ya kuwa rais wa awamu ya tano, atahakikisha utawala wake unakabiliana na ufisadi, matumizi mabaya ya madaraka, wizi wa mali na raslimali za umma.   Aidha Mh.Wasira ambaye amewahi kuhudumu katika wizara mbalimbali za serikali za awamu zote, amesema iwapo atapata ridhaa ya kuongoza serikali, atahakikisha kilimo cha jembe la mkono kinabakia kuwa historia kwa kutoa kipaumbele cha ...

1. Ikulu ya Umoja nchini Cameroon,(Yaounde, Cameroon) 2.Ikulu ya Abdeen nchini Misri  3.Ikulu ya Pretoria, Nchini Afrika kusini  4.Ikulu ya Windhoek, Nchini Namibia. 5.Ikulu ya Accra, Nchini Ghana. 6.Ikulu ya Antananarivo, Nchini Madagascar.  7.Ikulu ya Khartoum, Nchini Sudan. ...