MWAKILISHI WA WFP TANZANIA ATAMBULISHA MIKAKATI MITANO YA CSP..


Shirika la chakula Duniani (WFP) limetambulisha mikakati yake mitano iliyo ndani ya Mpango Mkakati wake Mpya wa Nchi (CSP) unaotekelezwa ndani ya miaka minne kuanzia Julai 2017 hadi 2021, wenye lengo la kutokomeza njaa na utapiamlo nchini.
Akizungumza katika warsha iliyowakutanisha WFP na waandishi wa Habari za mtandaoni leo jijini Dar es Salaam, Mwakilishi wa WFP Tanzania, Michael Danford ameitaja mikakati hiyo kuwa, kutoa msaada wa fedha au chakula kwa wakimbizi wanaoishi katika kambi rasmi, kuondoa utapiamlo kwa kutoa huduma za lishe katika makundi yaliyo hatarini pamoja na kuwezesha uimarishwaji uwezo katika taasisi za serikali zinazojishughulisha na masuala ya lishe.
Ametaja mikakati mingine kuwa ni, kusaidia wakulima wadogo kwa kuanzisha mfumo wa thamani wa pamoja, sambamba na kuwahamasisha kutumia kilimo kinachozingatia tabia ya nchi na aina anuai za mazao.Mkakati wa mwisho ni kuifanya nchi kuwa kituo kikuu cha ubunifu. 
“Wanawake na watoto wa Tanzania wameteswa sana na athari za utapiamlo huku ikiathiri 34% ya watoto walio chini ya umri wa miaka 5 na kwamba kudumaa kwa watoto wadogo kumeongezeka kwa kiwango cha juu. Ili kuunga mkono malengo ya serikali katika kuondoa utapiamlo, program za WFP zinalenga kumaliza utapiamlo,” amesema   
Akifafanua namna ya utekelezaji wa mikakati hiyo, amesema wamepanga kutumia kiasi cha fedha dola za kimarekani milioni 455.7 kwa ajili ya kutekeleza mikakati hiyo, ambapo itanufaisha wakimbizi wapatao laki nne, wakulima 25,0000 na kunusuru watoto na watu wazima 185,000 walio hatarini kukumbwa na utapiamlo na au baa la njaa.
Amesema WFP itashirikiana na wadau mbalimbali katika utekelzaji wa mikakati hiyo, ikiwemo Shirika la Wakimbizi Duniani(UNHCR), Wakala wa Taifa wa Hifadhi ya Chakula (NFRA) na Mfuko wa Kusaidia Kaya Masikini nchini (TASAF).
Aidha, amesema mikakati hiyo itasaidia kutokomeza njaa nchini pamoja na kuwainua kiuchumi wakulima sambamba na kufanikisha utekelezaji wa malengo 17 ya milenia. 



Source:Modewjiblog































































































Maoni

Chapisha Maoni

Machapisho maarufu kutoka blogu hii

USAJILI WENYE MANUFAA EPL HADI SASA..

Picha
1. Ng’olo Kante kutoka Leicester City kuelekea Chelsea kwa hakika hakuna asiyejua thamani na mchango wa Mfaransa huyu, amecheza vizuri Leicester City kazi nzuri akiwa timu ya taifa sasa hivi yupo Chelsea kwa dau la £32 milioni. 2. Viktor Fischer – AFC Ajax kuelekea MIddlesbrough kwa dau la £3.8 milioni, Middlesbrough haizungumziwi msimu huu lakini imefanya usajili wa maana sana wamepata saini 3 za nyota kama Victor Valdes, Negredo na Fischer ambaye alitumiwa maombi na timu kama Manchester United, Chlese na  Manchester City. 3. Henrikh Mkhitaryan kutoka Borrusia Dortmund kuelekea Manchester United, kila mmoja anajua shughuli ya kiungo huyu wa Almenia, hakosei kupiga pasi za mwisho na kufunga magoli ambayo yana msaada kwa timu dau lake ni £26.3 milioni kazi itakuwepo msimu huu. 4. Loris Karius – FSV Mainz 05 kuelekea Liverpool FC kwa £4.7 milioni ni golikipa amekuja kwa ajili ya kumpa changamoto Mignoleti pale Anfield, usajili ambao una maana kubwa sana na utaleta faida kw
Endelea kusoma