Trump alimfunza mwanawe maneno ya kusema mkutanoni...

Bwana Trump Jr na wakili wa Urusi Natalia Veselnitskaya
Bwana Trump Jr na wakili wa Urusi Natalia Veselnitskaya
Rais Donald Trump alimfunza mwanawe maneno aliyofaa kusema kuhusu mkutano na wakili wa Urusi wakati wa kampeni za uchaguzi , kulingana na ripoti ya vyombo vya habari.
Taarifa hio ilisema Donald Trump Jr na wakili huyo kwanza walizungumza kuhusu upangaji wa watoto nchini Urusi mnamo mwezi Juni 2016 kulingana na gazeti la Washington Post.
Bwana Trump Jr baadaye alisema kuwa amekubali kushiriki katika mkutano huo baada ya kuambiwa kwamba angepewa habari ya kumchafulia jina Hillary Clinton.
Rais Trump amekana ushirikiano wowote na Urusi wakati wa kampeni.
Bunge la seneti , lile la wawakilishi na mtaalam mmoja wanachunguza uingiliaji huo wa Urusi katika uchaguzi mkuu swala linalopingwa na Urusi.
Gazeti la The Washington Post kwanza liliripoti kwamba rais Trump yeye mwenyewe alimfunza taarifa ambayo mwanawe alitoa kuhusu mkutano na wakili Natalia Veselnitskaya.
Gazeti hilo lilitaja duru kadhaa ambazo zilitambua mazungumzo hayo.
Washauri wa rais Trump walikubali kwamba mwana huyo atatoa taarifa ya ukweli ambayo isingiweza kukanushwa baadaye iwapo maelezo yote yangebainika ,kulingana na Washington Post.
Lakini inasema kuwa uamuzi huo ulibatilishwa baada ya rais Trump kuelekea nyumbani kutoka kikao cha G20 nchini Ujerumani mnamo mwezi Julai 8.
Katika taarifa hiyo , bwana Trump Jr alisema kuwa mkutano huo ulijadili kuhusu mpango kuhusu upangaji wa watoto wa Urusi, na sio maswala ya kampeni.
Taarifa hiyo iliwasilishwa katika gazeti la The New York Times wakati ilipokuwa likitayarisha habari yake kuhusu mkutano huo.

Pia alitoa barua iliosabababisha mkutano huo.
Bwana Trump Jr baadaye alikiri kwamba alikubali kukutana baada ya kuambiwa kwamba habari mbaya kuhusu Clinton pia zitatolewa katika mkutano huo.
Pia alitoa barua pepe ambazo zilikuwa chanzo cha mkutano huo .
Washington post linasema kuwa baadhi ya washauri wa rais Trump wanahofu kwamba kiwango cha uingiliaji huo uliofanywa na rais kinaweza kumtia mashakani kisheria.
Trump na mwanawe hawajatoa tamko lolote kuhusu ripoti hizo za vyombo vya habari.




Source:BBC






































































































Maoni

Chapisha Maoni

Machapisho maarufu kutoka blogu hii

USAJILI WENYE MANUFAA EPL HADI SASA..

Picha
1. Ng’olo Kante kutoka Leicester City kuelekea Chelsea kwa hakika hakuna asiyejua thamani na mchango wa Mfaransa huyu, amecheza vizuri Leicester City kazi nzuri akiwa timu ya taifa sasa hivi yupo Chelsea kwa dau la £32 milioni. 2. Viktor Fischer – AFC Ajax kuelekea MIddlesbrough kwa dau la £3.8 milioni, Middlesbrough haizungumziwi msimu huu lakini imefanya usajili wa maana sana wamepata saini 3 za nyota kama Victor Valdes, Negredo na Fischer ambaye alitumiwa maombi na timu kama Manchester United, Chlese na  Manchester City. 3. Henrikh Mkhitaryan kutoka Borrusia Dortmund kuelekea Manchester United, kila mmoja anajua shughuli ya kiungo huyu wa Almenia, hakosei kupiga pasi za mwisho na kufunga magoli ambayo yana msaada kwa timu dau lake ni £26.3 milioni kazi itakuwepo msimu huu. 4. Loris Karius – FSV Mainz 05 kuelekea Liverpool FC kwa £4.7 milioni ni golikipa amekuja kwa ajili ya kumpa changamoto Mignoleti pale Anfield, usajili ambao una maana kubwa sana na utaleta faida kw
Endelea kusoma