CUF kuifanyia mageuzi sekta ya utalii,bandari..

Mgombea urais wa Zanzibar kwa (CUF), Maalim
Mgombea urais wa Zanzibar kwa (CUF), Maalim Seif Shariff Hamad 

Zanzibar. Mgombea urais wa Zanzibar kwa (CUF), Maalim Seif Shariff Hamad amesema ataifanyia mageuzi sekta ya utalii na bandari ambazo zina mapato makubwa ili kuifanya Zanzibar kuwa Singapore ya Afrika Mashariki.
Akizungumza na wafuasi wa chama hicho na wanafunzi wa vyuo vya elimu ya juu jana, Maalim Seif alisema urasimu unawafanya wawekezaji kushindwa kuwekeza Zanzibar. Alisema sekta ya utalii haiwezi kuwanufaisha wananchi kama hali itaendelea kuwa kama ilivyo.
“Zanzibar inapendwa na matajiri duniani kwa ajili ya kuja kupumzika, lakini hawafiki kwa sababu hakuna hoteli zenye hadhi yao,” alisema na kuongeza:
“Matokeo yake watalii wanaofika hapa ni wale wanaolala kwenye nyumba za wageni zilizoko uswahilini na kula chakula eneo la Forodhani ambako wanatumia kiasi kidogo cha fedha kisichowanufaisha Wazanzibari.”
Alisema ili kuwavutia watalii matajiri, atakaribisha wawekezaji watakaojenga hoteli za kitalii zenye hadhi ya kimataifa.
Maalim Seif alisema tatizo la viongozi wa CCM Zanzibar wamekuwa wakiwakataa baadhi ya wawekezaji wenye uwezo kwa sababu zao binafsi.
“Fedha zipo duniani, wapo watu wa kuja kuwekeza Zanzibar, lakini wengine wanashindwa kwa sababu wanaombwa rushwa na viongozi wetu,” alisema na kuongeza kuwa atahakikisha anashawishi wawekezaji kujenga kumbi za kisasa za mikutano ya kimataifa.
Maalim Seif alisema atajenga bandari ya kisasa itakayokuwa ikitumia muda mfupi kupakia na kupakua mizigo.
“Kuna bandari katika nchi za wenzetu ambazo meli haikai bandarini kwa saa sita ila hapa kwetu inachukua wiki kwa sababu ya msongamano na vifaa duni,” alisema.
Mkurugenzi wa Habari na Mawasiliano wa CUF, Ismail Jussa Ladhu alisema mbali na utalii na bandari, rasilimali za gesi na mafuta zitatumika kuifanya Zanzibar kuwa Singapore ya Afrika Mashariki. “Tuna rasilimali nyingi Zanzibar tukipata viongozi wenye dira itapaa kiuchumi,” alisema.








SOURCE:Mwananchi


















































Maoni

Chapisha Maoni

Machapisho maarufu kutoka blogu hii

Imetangazwa noti yenye muonekano mzuri kuliko zote duniani kwa mwaka 2016..

Picha
Mkutano wa Mwaka wa  ‘International Bank Note Society’s ‘IBNS’  umetambua ubunifu wa kutengeneza noti za fedha zenye muonekano mzuri na usalama zaidi. Katika mkutano wao wa mwaka  IBNS  wameitangaza noti ya  Dollar 5  ya  New Zealand  kuwa noti nzuri ya Mwaka kwenye mashindano ya kimataifa ambapo noti ishirini kutoka duniani kote zilikuwa zimeteuliwa kuwania tuzo hiyo na mshindi alichaguliwa na wanachama wa  IBNS . Hizi ni baadhi ya noti ambazo zilishindanishwa pamoja na noti ya New zealand   Sweden’s 20 kronor Noti ya Scotland £ 5 Source:Millardayo.com
Endelea kusoma

Picha 10 za Ikulu zilizo nzuri zaidi Duniani...

Picha
1. Ikulu ya Forbidden City Ni ikulu ambayo ipo katikati ya   Beijing,   Forbidden City   ni moja ya ikulu kubwa duniani yenye ukubwa wa hekta   72 .  Ime jengwa mwaka   1406-1420 , lina   majengo  980   ya kuishi   na idadi ya vyumba   8707. 2.Ikulu ya  Potala  Ni ikulu iliyo jengwa juu ya milima wa  Marpo   Ri,Uliopo mita  30   juu ya   bonde la   Lhasa , Ikulu ya  Potala   kingo   zeka  ni  zaidi ya   mita   170   na   ni   kubwa.I kulu  i likuwa tayari  ime jengwa   hapa katika   karne ya 7,   ujenzi wa   jumla   ulianza mwaka   1645   wakati wa utawala wa tano   Dalai Lama   na kwa   1648   Potra 3.Ikulu ya  Alhambra Sehemu ya   ngome , sehemu ya   ikulu na   sehemu ya   bustani   Alhambra ni mji ambao uko  juu ya   Plateau...
Endelea kusoma