KUZIONA SIMBA NA YANGA NI TSH. 30,000

SHIRIKISHO la Mpira wa Miguu Tanzania (TFF) limetangaza viingilio vya mchezo wa Ligi Kuu ya Vodacom (VPL) Jumamosi kati ya watani wa jadi Simba dhidi ya Yanga SC utakaochezwa Uwanja wa Taifa jijini Dar es salaam, huku kiingilio cha chini kikiwa ni Sh. 7,000.

Kiingilio cha juu cha mchezo huo kitakua Sh. 30,000 kwa VIP A, 20,000 VIP B & C, Sh. 10,000 kwa viti vya rangi ya machungwa (Orange), na Sh. 7,000 kwa viti vya rangi ya bluu na kijani.

Tiketi za mchezo huo zitaanza kuuzwa siku ya Ijumaa saa 2 kamili asubuhi katika vituo vya TFF (Karume), Buguruni Olicom, Ubungo Oilcom, Kidongo Chekundu (Mnazi Mmoja), Posta (Agip), Dar Live (Mbagala), Uwanja wa Taifa, Makumbusho Stand, Kivukoni Ferry.

Mchezo huo utachezeshwa na waamuzi wote wenye beji za FIFA, mwamuzi wa katikati Jonesia Rukyaa (Kagera), akisaidiwa na Josephat Bulali (Tanga), Samwel Mpenzu (Arusha), mwamuzi wa akiba Elly Sasii (Dar) huku Kamisaa wa mchezo huo akiwa Khalid Bitebo (Mwanza).

Ligi hiyo ya Vodacom itaendelea Jumamosi kwa michezo sita, Yanga  na Simba (Taifa), Mbeya City na Azam (Sokoine), Stand United na JKT Ruvu (Kambarage), Toto Africans na Kagera Sugar (CCM Kirumba), Mgambo Shooting na Prisons (Mkwakwani) na Majimaji FC na Mtibwa Sugar (Majimaji).

Jumapili ligi hiyo itaendelea kwa michezo miwili, Mwadui FC na Coastal Union uwanja wa Mwadui Complex, huku Ndanda FC wakicheza dhidi ya African Sports uwanja wa Nagwanda Sijaon mjini Mtwara.







SOURCE:Mtembezi.com





























































































Maoni

Chapisha Maoni

Machapisho maarufu kutoka blogu hii

USAJILI WENYE MANUFAA EPL HADI SASA..

Picha
1. Ng’olo Kante kutoka Leicester City kuelekea Chelsea kwa hakika hakuna asiyejua thamani na mchango wa Mfaransa huyu, amecheza vizuri Leicester City kazi nzuri akiwa timu ya taifa sasa hivi yupo Chelsea kwa dau la £32 milioni. 2. Viktor Fischer – AFC Ajax kuelekea MIddlesbrough kwa dau la £3.8 milioni, Middlesbrough haizungumziwi msimu huu lakini imefanya usajili wa maana sana wamepata saini 3 za nyota kama Victor Valdes, Negredo na Fischer ambaye alitumiwa maombi na timu kama Manchester United, Chlese na  Manchester City. 3. Henrikh Mkhitaryan kutoka Borrusia Dortmund kuelekea Manchester United, kila mmoja anajua shughuli ya kiungo huyu wa Almenia, hakosei kupiga pasi za mwisho na kufunga magoli ambayo yana msaada kwa timu dau lake ni £26.3 milioni kazi itakuwepo msimu huu. 4. Loris Karius – FSV Mainz 05 kuelekea Liverpool FC kwa £4.7 milioni ni golikipa amekuja kwa ajili ya kumpa changamoto Mignoleti pale Anfield, usajili ambao una maana kubwa ...
Endelea kusoma