Maofisa watano TFS wasimamishwa kazi..

Waziri wa Maliasili na Utalii, Profesa JumanneWaziri wa Maliasili na Utalii, Profesa Jumanne Maghembe.    

Waziri wa Maliasili na Utalii, Profesa Jumanne Maghembe amewasimamisha kazi maofisa watano wa misitu akiwamo Kaimu Meneja wa Wakala wa Huduma za Misitu (TFS), Nyanda za Juu Kusini, Bruno Mallya na Ofisa Maliasili Mkoa wa Rukwa, Nicholas Mchome ili kupisha uchunguzi.
Wengine ni Ofisa wa TFS Wilaya ya Kalambo, Herman Ndanzi, Ofisa Misitu wilaya hiyo, Geofrey Mwasomola na Ofisa Misitu TFS, Kalambo na Sumbawanga, Martin Hamis.
Profesa Maghembe amesema amewasimamisha kazi maofisa hao kwa kushindwa kusimamia na kudhibiti uvunaji haramu wa magogo aina ya mkurungu na kusababisha uharibifu mkubwa katika Msitu wa Kalambo.
“Tutaleta maofisa wengine wanaoweza kulinda rasilimali za Serikali kwa kuwa ninyi mmeshindwa na hamna uchungu wa rasilimali za nchi hii,” amesema.
Profesa Maghembe amefanya ziara ya kushtukiza mkoani Rukwa leo.
Profesa Maghembe ametoa wiki moja TFS kuhakikisha kuwa magogo yaliyovunwa katika msitu huo yanahifadhiwa katika vijiji vya Kasitu, Safu Jengeni na Kaluko.
Mkuu wa Mkoa wa Rukwa, Magalula Said alisema uvunaji huo haramu umeanza muda mrefu.
Mtendaji Mkuu TFS, Juma Mgoo alisema jitihada zinatakiwa zifanyike kwa maofisa misitu kushirikiana na kamati za ulinzi na usalama ili kulinda maliasili.     




Source:Mwananchi








































































  

Maoni

Chapisha Maoni

Machapisho maarufu kutoka blogu hii

USAJILI WENYE MANUFAA EPL HADI SASA..

Picha
1. Ng’olo Kante kutoka Leicester City kuelekea Chelsea kwa hakika hakuna asiyejua thamani na mchango wa Mfaransa huyu, amecheza vizuri Leicester City kazi nzuri akiwa timu ya taifa sasa hivi yupo Chelsea kwa dau la £32 milioni. 2. Viktor Fischer – AFC Ajax kuelekea MIddlesbrough kwa dau la £3.8 milioni, Middlesbrough haizungumziwi msimu huu lakini imefanya usajili wa maana sana wamepata saini 3 za nyota kama Victor Valdes, Negredo na Fischer ambaye alitumiwa maombi na timu kama Manchester United, Chlese na  Manchester City. 3. Henrikh Mkhitaryan kutoka Borrusia Dortmund kuelekea Manchester United, kila mmoja anajua shughuli ya kiungo huyu wa Almenia, hakosei kupiga pasi za mwisho na kufunga magoli ambayo yana msaada kwa timu dau lake ni £26.3 milioni kazi itakuwepo msimu huu. 4. Loris Karius – FSV Mainz 05 kuelekea Liverpool FC kwa £4.7 milioni ni golikipa amekuja kwa ajili ya kumpa changamoto Mignoleti pale Anfield, usajili ambao una maana kubwa sana na utaleta faida kw
Endelea kusoma