RIPOTI YA MRISHO NGASSA ‘BONDENI’ INASIKITISHA!..

“Nimefurahi kusaini  timu hii ambayo kaka yangu Nteze John amewahi kuchezea pamoja na wachezaji wengine wakubwa” Haya yalikuwa maneno ya Mrisho Ngassa Mei 8 2015 wakati amesaini mkataba wa kuitumikia klabu ya Free State Stars yenye makao makuu yake Mtaa wa 22B President Boshoff mjini Bathlehem Afrika Kusini.

Kwasasa furaha ya Ngassa haiwezi kuwa kama wakati ana saini mkataba huo kuna kila dalili kuwa hana furaha kwenye klabu yake hiyo kwa kutopata nafasi ya kuanza muda mrefu sasa. Mtembezi.com iliamua kufuatilia mwenendo wake na imegundua toka amejiunga na klabu hiyo amecheza mechi saba tu na hajafunga bao pia hajaweza kusaidia kupatikana kwa bao na takwimu hizi ni mbaya sana kwa mchezaji mwenye asili ya kiungo mshambuliaji kutofunga bao ndani ya miezi takribani 8.

Kwanini hapati nafasi ya kuanza?

Mtembezi.com imeendelea kuchunguza na kubaini kuwa huenda kufukuzwa kwa kocha aliyemsajili Ngassa muda mfupi baada Ngassa kutua ni moja ya sababu za yeye kutopata nafasi na huenda hajaweza kuendana na falsafa ya mwalimu wa sasa. Ngassa alisajiliwa na kocha raia wa Malawi Kenni Phiri mwezi mei lakini baadaye mwezi August kocha huyo alifungashiwa vilago na timu kuchukuliwa na kocha mpya.

Kubadilishwa kwa makocha ndani ya Free State

Hii nayo huenda ikawa sababu kwani tangu Ngassa ajiunge na timu hiyo mwaka jana imeabadili makocha watatu ambao ni Phiri, Ernest Middendorp na Giovanni Solinas ambaye yupo hadi sasa lakini haiwezi kuwa sababu kubwa maana hata Yanga walikuwa wanabadili makocha na pengine anahama kwenda Azam na Simba lakini akirudi anapata namba bila kujali kama kuna kocha mgeni au la.

 Kushuka Kiwango

 Kwa takwimu hizo official za Ngassa ndani ya Free Sate Stars ni wazi kuwa hana sifa tena za kuweza kushindana na wachezaji wenzake ndani ya kikosi hicho kutokana na kukosa mechi nyingi na huenda asiwe vizuri kisaikolojia kuweza kucheza na hali hiyo inaweza kuwa matokeo ya kushuka kiwango na inahatarisha mkataba wake ambao ndio kwanza unakaribia kukamilisha mwaka nab ado anadaiwa miaka miwili na nusu.

Kocha aliyemsajili Ngassa ndani ya Free State Stars Kenni Phiri kwasasa ni kocha wa Mbeya City akiwa amesaini mkataba wa miaka miwili kuanzia Feburuari mwaka huu.

Source:Mtembezi.com