Kisasi cha mama: Wanawake India wamchapa bakora 'mbakaji wa mtoto' India..

Baadhi ya wanawake nchini India kutembeza kichapo kwa mtuhumiwa wa Ubakaji

Mtuhumiwa wa ubakaji nchi India amekutana na zahama ya aina yake baada ya wanawake kadhaa kumkamata  na kumfunga Kamba na baadaye kumuangushia mvua ya bakora kwa madai ya kumdhalilisha mtoto kingono.

Katika video inayoonekana na kuaminika ilichukuliwa India, inawaonyesha kundi la wanawake wakiwa wamemzunguka mwanaume huyo, aliyefungwa Kamba miguu na mikono kwa nyuma  huku wakimvuta huku na kule katika uwanja wa wazi wakati akiwa chini na wengine wakimchapa fimbo zisizo na hesabu.

Wakati hayo yakiendelea kundi la wanawake na watoto wengine walikuwepo katika eneo hilo kushuhudia tukio hilo.

Mwanaume huyo alionekana kutoweza kufanya chochote katika eneo hilo, wakati wanawake hao waliobeba fimbo kubwa wakiendelea kumwangushia kipigo.

Hata hivyo, video hiyo imemalizika kwa kumuonyesha afisa wa polisi akizungumza na kundi hilo la wanawake na watu wengine jirani na mwanaume huyo aliyekuwa amelala chini huku akiwa amefungwa Kamba.

Ingawa taarifa za tuhuma za kubaka kwake hazikufamika zaidi.  

Video hiyo ya kulipa kisasi kwa mwanaume huyo ilipakuliwa kutoka katika mtandao wa LiveLeak,  na ni tukio lililoangaliwa na watu Zaidi ya 23,000 katika mitandao.

Suala la udhalilishaji wa kingono limeendelea kuwa tatizo la kitaifa nchini India, kwani ripoti inaonyesha kila mwaka makumi elfu ya wanawake hubakwa nchini humo.

Inadaiwa kuwa, kwa mwaka 2015 pekee  jumla ya kesi 34,000  zimeripotiwa katika nchi hiyo, licha ya namba hiyo kuwa si halisi kutokana na kesi nyingi kutoripotiwa kwa madai ya waathirika kuwa na hofu ya kuaminiwa au kutengwa na jumuia zao.

Kesi maarufu na ya kikatili katika karne ilikuwa ni ile ya mwaka 2012 mjini NEW Delhi ambayo binti  Jyoti Singh alipofanyiwa ukatili na vijana sita ndani ya basi, ambaye baadaye alifariki dunia.

Source:AzamTv