KOCHA WA TP MAZEMBE AMTABIRIA MAKUBWA SAMATTA....
Kocha wa TP Mazeembe mfaransa Patrice Carteron amemtabilia nyota wa timu hiyo na timu ya taifa ya Tanzania ‘Taifa Tars’ Mbwana Samata kuwa atatwaa tuzo ya mchezaji bora Afrika kwa wachezaji wa ndani. Carteron amemtabilia Samatta wakati akifanya mahojiano na Shaffih Dauda baada ya mazoezi ya kujiandaa na mchezo wa fainali ya marudiano dhidi ya USM Alger.
Kocha huyo anasema fainali bado haijamalizika ingawa wacongo wengi wanaamini kwamba, TP Mazembe wameshakuwa mabingwa baada ya kushinda mechi ya fainali ya kwanza kwa goli 2-1 dhidi ya USM kule jijini Algiers, Algeria.
Carteron hakusita kuwazungumzia wachezaji wa Tanzania wanaocheza chini yake kwenye klabu ya TP Mazembe na hawa si wengine bali ni Mbwana Ally Samatta pamoja na Thomas Ulimwengu.
“Kwanza napenda kuwapongeza kwasababu wanamtazamo wa kipekee na ni wachezaji wanaojituma”, amesema Carteron na kuwasifia nyota hao akisema wanaonesha viwango vizuri na kuisaidi timu hiyo kupata mafanikio.
“Thomas ni mchezaji mwenye nguvu na spidi pia, anapambana kwa ajili ya timu. Lakini ‘the diamond of TP Mazembe Samagoli Ali Samatta’ ni mchezaji mzuri, nafurahia kuwa naye kwenye kikosi changu na ninaimani tutashinda kombe hili na yeye atakuwa mchezaji bora wa Afrika”.
Samatta ameingia kwenye orodha wachezaji 10 wanaowania tuzo ya mchezaji bora wa Afrika kwa wachezaji wa ligi za ndani.
SOURCE:Shaffihdauda.com
Maoni
Chapisha Maoni