NEYMAR KUIRUDISHA BALLON d’Or BRAZIL?

Kwa mara ya kwanza mshambuliaji mahiri wa klabu ya Fc Barcelona na timu ya taifa ya Brazil Neymar da Silva Santos amefanikiwa kuingia katika tatu bora ya wachezaji wanaowania tunzo ya mchezaji bora wa dunia ya Ballon d’Or .

Neymar ambaye amekuwa na msimu mzuri katika kikosi chake cha Barcelona na timu ya taifa Brazil ametajwa katika orodha hiyo sambamba na Lionel Messi na mshindi wa tunzo hiyo katika msimu uliopita Christiano Ronaldo.

Taarifa katika wavuti ya shirikisho la soka duniani FIFA ,imebainisha kuwa zoezi la kuwapata wanandinga hao limeendeshwa kwa kupigiwa kura na makocha na manahodha wa timu zote za taifa 207 ambao ni wanachama wa FIFA.

Kuingia kwa kinda huyu wa kibrazili kunaweka historia ya kipekee katika taifa la Brazili ambalo kwa muda mrefu wachezaji wake hawakuwahi kuingia katika orodha ya tatu bora ya wachezaji wanaowania tuzo ya mchezaji bora wa dunia(mara ya mwisho Ricardo Kaka 2007)

Aidha kuingia kwa mara ya kwanza kwa Neymar ni sawa na kutimia kwa kile kilichowahi kusemwa na Gwiji wa soka Duniani Edson Arantes do Nascimento ‘PELE’ kuwa mchezaji huyo ni dhahabu nyingine kutoka Brazili katika soka la Ulaya.

Hata hivyo ,Neymar akiwa ndiyo kwanza ana misimu miwili anaungana na mchezaji mwenzake na nyota wa klabu ya Barcelona kumkabili Cristiano Ronaldo ambaye timu yake ya Real Madrid imekuwa haina matokeo mazuri katika mechi za hivi karibuni na kuufanya upinzani wa uwanjani katia ya Madrid na Barcelona kujitokeza tena katika tunzo za FIFA

Aidha hii itakuwa ni moja kati ya mafaniko makubwa kwa mwanasoka huyu machachari wa Brazili ambaye katika mwaka 2013 alikamata nafasi ya tano huku akiporomoka katika mwaka 2014 ambapo alikamata nafasi ya saba

Hii inamaana kuwa hii itakuwa ni mara ya tatu kwa wachezaji wa Barcelona kuchomoza wawili katika tunzo huku huku Madrid ikiwakiliswa na mchezaji mmoja,

MWAKA 2011

Lionel Messi-Barcelona
Cristiano Ronaldo-Real Madrid
Xavi Harnandes-Barcelona

MWAKA 2012

Lionel Mesi-Barcelona
Cristiano Ronaldo-Real Madrid
Andres Iniesta-Barcelona

MWAKA 2015

Neymar da silva Santos-Barcelona 
Lionel Messi-Barcelona
Christiano Roanldo-Real Madrid

SOURCE:Mtembezi.com