Daktari asimamishwa kazi kwa uzembe uliosababisha kifo Mkoani Mara.

Uongozi wa halmashauri wa wilaya ya Butiama  mkoani Mara umemsimamisha kazi daktari  mwandamizi  wa hospitali  wa Wilaya hiyo na kutoa  onyo kali kwa mtaalam  mmoja  wa maabara  baada ya kudaiwa kufanya kazi kwa uzembe hatua ambayo imesababisha kifo cha mtoto Stephen Julius mwenye umri wa miaka minne mkazi wa kijiji cha Butiama.

 Kusimamishwa kwa daktari huyo Dk Henri Japhat Msusa kunafuatia tume iliyoundwa  na uongozi wa hospitali hiyo muda  mfupi tu baada ya    mtoto huyo afariki dunia na maelezo ya uzuni na kina ambayo yametolewa na mama mzazi wa mtoto huyo Bi.Pilly Juma James, mbele ya mkuu wa mkoa wa  Mara Bw Magesa Mulongo katika mkutano wa hadhara ambao umefanyika kijijini Butiama.

 

 

Akitoa taarifa ya uchunguzi wa tume iliyoundwa na uongozi wa hospitali hiyo ya Butiama na sababu ambazo zimesababisha kifo cha mtoto huyo,Mganga Mkuu wa halmashauri ya Butiama Dk Archard Rwezahura,  amesema mbali na mtoto huyo kusumbuliwa na malaria kali,lakini uzumbe  ambao umefanywa na watumishi hao umechangia kifo cha kijana huyo kwa kushindwa kumpa huduma kwa zaidi ya saa nane tangu alipofikishwa katika hospitali hiyo.

 

Kufutia taarifa hiyo ya uchunguzi ambao umefanywa na timu ya madaktari wa hospitali hiyo,mkuu huyo wa mkoa wa mara Bw Magesa Mulongo,amemuagiza mkuu wa wilaya ya Butiama kufikisha taarifa hiyo  kwa jeshi la polisi na  TAKUKURU ili uchunguzi wa kina ufanyike na  endapo itabainika watumishi hao walifanya uzembe na kusabisha kifo,  hatua kali za kisheria zikuliwe dhidi ya watumishi  hao.

Source:ITV