Rais Kikwete amezindua uwanja wa ndege katika kambi ya jeshi ya anga Ngerengere Morogoro..

Rais Jakaya Mrisho Kikwete amezindua uwanda wa ndege katika kambi ya kijeshi ya anga iliyoko Ngerengere mkoani Morogoro ambao amesema anajivunia kutoka madarakani akiwa ameiacha nchi katika hali nzuri ya kiusalama.

Rais Kikwete akizungumza katika uzinduzi huo amesema katika kipindi cha uongozi wake amefanya mambo mengi ikiwa ni pamoja na kuliacha jeshi likiwa katika hali nzuri ambapo ameeleza hakuna nchi inayo weza kuwa na maendeleo kama haina jeshi imara.

 

Aidha rais Kikwete ameshukuru jeshi serikali ya nchi ya China walio husika kujenga uwanja huo wenye urefu wa mita 3000 ambapo amesema serikali ya China imekuwa rafiki wa Tanzania kwa muda mrefu na serikali ijayo hainabudi kuendeleza mahusiano yaliopo kwa nchi hizo mbili.

 

Kwa upande wake mkuu wa majeshi Devis Mwamunyange amemshukuru rais Jakaya Kikwete kwa  kuliimarisha jeshi la Tanzania ingawa zipo changamoto ndogodogo laki anaamini serikali itazifanyia kazi ili kuweza kuwa na jeshi imara.

 

Nae waziri wa ulinzi Dr Husein Mwinyi amesema uwanja huo utaliwezesha jeshi kuweza kufanya mazoezi yake na kuwasaidia wananchi wanaotumia usafiri wa ndege na kuishukuru serikali ya China kwa moyo wao wa kuisaidia Tanzania kwa vitu mbalimbali. 

 

SOURCE:ITV